A Coruña: O transporte público co servizo de Paradas Libres na liña do Bus Búho

Redacción Tribuna
Redacción Tribuna
La revista de información que te cuenta lo que otros no creen importante
- Advertisement -
A Coruña contará dende a madrugada do venres ao sábado co novo servizo de Paradas Libres, implementado dentro da liña do autobús nocturno, e que ten como obxectivo converter o servizo de transporte público nunha ferramenta que facilite ás mulleres a realización de traxectos máis curtos en caso de que perciban inseguridade, así como axudar a que poidan achegarse máis rapidamente a un espazo seguro. Desta forma, e tal e como explica o concelleiro de Mobilidade Sostible, Daniel Díaz Grandío, «a partir desta fin de semana, as mulleres que viaxen soas no Bus Búho poderán solicitar á persoa condutora unha parada baixo demanda, sempre que esta, por suposto, non supoña ningún risco para o tráfico». «Con esta medida, A Coruña pasa a engrosar a aínda escasa lista de cidades que posúen este servizo no seu transporte público», indicou, á vez que destacou o traballo que, de forma transversal leva realizando o goberno local para que «esta sexa realmente unha cidade libre de violencias».
A liña nocturna do Bus Búho funciona os venres, sábados, vésperas de festivo e outras datas sinaladas en horario de 00.30 horas a 04.40 horas. Así, a partir desta fin de semana, as mulleres que viaxen soas no servizo deberán, se así o queren, avisar no momento de subir ao ou á condutora do autobús da súa intención de solicitar unha Parada Libre. Na medida do posible, quedarán na parte dianteira do vehículo durante o traxecto, para facilitar a comunicación. A baixada a demanda se efectuará pola porta dianteira.
Díaz Grandío apuntou a que «deberase avisar coa antelación precisa á persoa que conduce o autobús, que realizará a parada a petición da muller nun lugar que non supoña ningún perigo para a circulación».
- Publicidad -

Comentarios

DEJA UNA RESPUESTA

Por favor ingrese su comentario!
Por favor ingrese su nombre aquí

Síguenos en redes

Últimos artículos

Esta web utiliza cookies propias y de terceros para su correcto funcionamiento y para fines analíticos y para mostrarte publicidad relacionada con sus preferencias en base a un perfil elaborado a partir de tus hábitos de navegación. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Configurar y más información
Privacidad